Сүүлд Gemini эсвэл ChatGPT-ээс ямар нэг зүйл хийлгэхийг хүсэж үзсэн бол яг юу болсныг санаж байгаа байх. Аялал төлөвлө гэсэн, календарь зохицуул гэсэн, өгөгдөл шинжил гэсэн. AI сайхан заавар, алхам алхмаар зөвлөгөө, код хүртэл бичиж өгсөн. Гэхдээ бодит ажлаа хийсэн хүн хэн бэ?
Чи өөрөө.
Энэ бол "мэдэх" ба "хийх"-ийн хоорондох зай. Хамгийн ухаантай зөвлөх чамд байгаа ч тэр утсаа авч залгаж, имэйл илгээж, товчлуур дарж чаддаггүй бол ямар учиртай вэ?
LLM API анх гарч ирэхэд бүх зүйл өөрчлөгдсөн юм шиг санагдсан. AI-тай ярилцаж, асуулт тавьж, контент бичүүлж болдог болсон. Би өөрөө анх ChatGPT-г ашиглаж эхлэхэд "энэ бүх зүйлийг мэднэ шүү дээ" гэж бодсон.
Гэхдээ нэг зүйл хий гэж хэлэхэд л хязгаарыг нь мэдэрнэ.
Цаг хугацаанд хөлдсөн, гадаад ертөнцтэй холбогдоогүй систем.
